2024 сыл Арассыыйаҕа Дьиэ кэргэн, өрөспүүбүлүкэҕэ Оҕо саас, улууска Аҕа сылларынан, Уус Алдаҥҥа бастакы бибилэтиэкэ төрүттэммитэ 100 сылынан кулун тутар 29 күнүгэр Түүлээх нэһилиэгэр норуот айымньытын Дьиэтигэр, 2-с бөлөх нэһилиэктэр икки ардыларыгар «Дьиэ кэргэн – олох төрдө» улуустааҕы уус-уран самодеятельноһы көрүү бэстибээл концера, быыстапката ыытылынна.
Бэстибээл быыстапкатыгар дьүүллүүр сүбэ иннитигэр дьиэ кэргэни өрө тутуу, ааҕыыны сэргээһин, оҕо сайдарын туһугар элбэх үлэ ыытылларын, уопсайа нэһилиэк иһинэн 17 куруһуок үлэлиирин туһунан 5 тиэмэлээх быыстапка турда.
- “Төрүччү өбүгэ сокуона” – манна 4 дьиэ кэргэн төрүччүтэ көһүннэ, Баһылайаптар дьиэ-кэргэн, Оллоновтар, Громовтар уонна Майыат сыдьааннара (Бочкаревтар) туһунан Майыат оҕонньор сиэнэ Мария Андреевна Винокурова кэпсээтэ.
- “Дьиэ-кэргэн историятын кэрэһитэ” – Степанида Никитична, Иван Константинович Богдашиттар тустарынан Мария Андреевна Винокурова сырдатта.
- “Ааҕыы аргыстаах дьиэ-кэргэн” диэн быыстапканы ыал ийэтэ Надежда Дмитриевна кэпсээтэ.
- “Дьиэ-кэргэн дьоло – кэскиллээх кэнчээри ыччатыгар” диэн быыстапкаҕа маҥнайгы ыал Кыыдаана Романовна, Владимир Владимирович Бочкаревтар дьиэ кэргэттэрэ. Иккис ыал Зоя Степановна, Иннокентий Михайлович Кузьминнар дьиэ-кэргэттэрэ. Үһүс ыал Нария Алексеевна, Станислав Семенович Ивановтар, үс ыал тустарынан быыстапка турда.
- “Эгэлгэ эбии дьарык” быыстапкаҕа, уһуйаан иитиллээччилэригэр уонна оскуола үөрэнээччилэригэр аналлаах куруһуоктар тустарынан “Кэскил” уһуйаан салайааччыта Любовь Ивановна Волкова, баспытаатал Людмила Анатольевна Охлопкова, Дмитрий Данилович Оллонов аатынан орто оскуола директоры иитэр үлэҕэ солбуйааччы Айыына Иннокентьевна Борисова, Норуот айымньытын Дьиэтин үлэһиттэрэ кэпсээтилэр.
Быыстапканы туруорда Түүлээхтээҕи библиотека сэбиэдиссэйэ Туяра Михайловна Ушницкая.
Уус-уран самодеятельность концерыгар Дьиэ кэргэн сылынан, нэһилиэкпит көхтөөх олохтоохторо, дьиэ кэргэнинэн араас нүөмэрдэргэ кыттан, сэргэх, сэдэх киэһэни бэлэх ууннулар. Манна 15 элбэх оҕолоох ыал, нэһилиэк олохтоохторо, уопсайа 56 киһи кыттыыны ыллылар.
Фестиваль түмүгүнэн быыстапкаҕа — 4.9, кэнсиэргэ — 4.30, уопсай түмүккэ 4.60 бааллаах 5 миэстэ буоллубут, ону таһынан 8 нүөмэр уонна сыана киэргэтиитэ лауреаттар истэригэр киирдилэр.
Фестивальга кыттыбыт, бары өттүнэн күүс-көмө буолбут дьоммутугар Түүлээхтээҕи норуот айымньытын Дьиэтин аатыттан муҥура суох барҕа махталбытын тиэрдэбит.
