Муус устар 6-7 күннэригэр Түүлээх нэһилиэгэр ини бии Егор, Гаврил Старостиннар кэриэстэригэр аһаҕас республиканскай хабааннаах икки күннээх волейбол күрэхтэһиитэ ыытыллан түмүктэннэ.
Барыта 8 хамаанда бастыыр иһин күрэхтэстэ, ол курдук Амма улууһуттан Сулҕаччы, Абаҕа, Хаҥалас, Танда, Сыырдаах Түүлээх икки хамаандата, Егор Старостин волейболга эрчийбит уолаттара.
Хамаандалар бары, олус бэлэмнээхтэр, күүстээх киирсиилэри көрдөрдүлэр.
Түмүккэ 1м Түүлээх хамаандата, 2 м 2002 — 2004 сыллардаахха Егор Старостин улууска, оҕолорго улуус сборнай хамаандатын эрчийбит иитиллээччилэрэ, 3 м Амма улууһун Сулҕаччы хамаандата үллэһиннилэр.
Бастаабыт хамаандаҕа Гаврил Старостин кэргэнэ Лариса Петровна, уола Гаврил Старостин — 50000
2м — Анна Ильинична анал бирииһэ уонна оҕолоро — 15000
3 м — Старостиннар бииргэ төрөөбүттэрэ Галина Никитина 15000 уонна Рим хампаанньа 5000 с.
Бу курдук бэрт сэргэх улахан таһымнаах күрэхтэһии үгүс элбэх бирииһиттэн хамаандалар үөрэн, астынан тарҕастылар.
Күрэхтэһиини көҕүлээн тэрийбит Владимир Бочкарёвка Егор, Гаврил Старостиннар дьиэ кэргэттэрэ махтал истиҥ тылларын этэн туран, саха быһаҕын уонна харысхал бэлиэни бэлэх ууннулар.
Күрэхтэһии маҥнайгы киэһэтигэр, детсад коллектива тэрийбит баай талым астаах остуолун тула ахтыы киэһэтэ бэрт сэргэхтик ыытылынна, остуолу Старостиннар эдьийдэрэ Наталья Руфова салайан ыытта.
Нэһилиэк дьаһалтатыгар, оскуола , детсад коллективтарыгар махтанан туран, Старостиннар эдьийдэрэ Кэбээйиттэн кэлбит, Альбина Ноговицына Гаврил, Егор Старостиннар кэргэттэрэ сэмэй бэлэхтэри туттартаатылар.
Маннык үтүөкэннээх күнү тэрийбит Старостиннар бары аймахтарыгар, дьиэ кэргэттэригэр нэһилиэк баһылыга С.В Винокуров дириҥ махталын тиэртэ.
Уопсай сүбэлэһии кэнниттэн күрэхтэһии 2026 сылга былааннанна.
Уолаттарбыт сырдык ааттара үйэтитиллэриттэн нэһилиэк дьоно бары астынабыт, үерэбит.
