Балаҕан ыйын 23 күнэ. Саҥа тутуллубут стела арыллар үөрүүлээх чааһа.
Нэһилиэкпитигэр киириигэ , айаммыт суолун аартыгар, Мырааммыт үрдүгэр ППМИ программанан тутуллубут стела үөрүүлээх арыллыыта буолла!
Бэс ыйын 24 күнэ. Үрүҥ тунах ыһыах
Ыраахтан, чугастан кэлбит ыалдьыттарбыт уонна Түүлээх нэһилиэгин олохтоохторо, сиэри-туому тутуһан бу күн ыһыах ыстыбыт.
Ыам ыйын 25 күнэ. Алын кылаас оҕолоругар аналлаах, Танда үрэх сүнньүгэр сылын аайы ыытыллар «Туллук туллук доҕоттор» конкурс кыттыылаахтарын уонна кыайыылаахтарын астына көрдүбүт.
Гран-при ааты ылары ситистэ: Оконешникова Карина. Түүлээх орто оскуолатын 4-с кылаас үөрэнээччитэ. Салайааччы: А.И.Бурнашева.
Ыам ыйын 23 күнэ. Аҕам саастаахтарбытын бырааһынньыгынан Ньукуолун күнүнэн эҕэрдэлээн, Алдан өрүспүтүгэр тахсан оонньоон, аһаан, сынньанан кэллибит.
Администрация коллектива, Түүлээхтээҕи библиотека уонна Түүлээхтээҕи норуот айымньытын дьиэтин коллектива холбоһук тэрээһин.
Ыам ыйын 19 күнэ. Саха Өрөспүүбүлүкэтигэр ырыа күнүгэр аналлаах «Ырыа санаа кыната» эҕэрдэ кэнсиэр үрдүк таһымнаахтык ыытылынна.
Ыам ыйын 9 күнэ. Улуу Кыайыы 78 сылыгар аналлаах тэрээһин ыытылынна.
Тэрээһиммит хаамыытынан: Бу күн Аҕа дойду Улуу сэриитигэр кыргыспыт, хорсун эһээлэрбитин, аймахтарбытын ахтан, санаан аастыбыт. Ытыктыыр аҕам саастаах дьоммутугар «Айаана» дьахталлар түмсүү бэйэлэрэ сэмэй бэлэхтэрин туттардылар. Түүлээхтээҕи норуот айымньытын дьиэтин үлэһиттэрэ «полевая кухня» саллаат хааһытынан күндүлээтилэр. «Кыайыыны кынаттаспыт ырыалар» байаанынан ырыалар ылланнылар. Аҕа дойду сэриитигэр кыргыспыт алта бойобуой орден кавалера Д.Д.Оллонов аатыгар, тэрилтэлэр, түмсүүлэр икки… (читать далее)
Муус устар 21 күнүттэн саҕалаан ыам ыйын 4 күнүгэр диэри акцияҕа кыттан СВОҕа көмө ыыттылар.
Дойдуну көмүскүүр байыаннай дьайыы буойуттарыгар анаан ыытыллар акцияҕа Түүлээх нэһилиэгин ийэлэрэ, эбэлэрэ илии, атах повязкаларын, саа уоһун чехолун, наһыылка тигэн бастакы кэлбит бөртөлүөтүнэн ыыттылар. Бары кыттыыны ылбыт бар дьоммутугар махталбытын тиэрдэбит.
Ыам ыйын 1 күнүгэр ЭЙЭ! ҮЛЭ! МААЙ! Бырааһынньыгынан бар дьоммутун эҕэрдэлээн туран, сааскы санааны киллэрэн, сахалыы тыыннаах кэрэ ырыалары уонна радиорепортаж иһитиннэрдибит. Үлэ сылыгар, үлэ күнүгэр тэрилтэлэр субуотунньукка таҕыстыбыт.
Муус устар 27 күнүгэр Саха Өрөспүүбүлүкэтин күнүн бэлиээтээн «Остуол тула» тэрээһин ыытылынна.
Муус устар 19 күнүгэр «С запуском ВОЛС Бярия — Кылайы» Түүлээхпит нэһилиэгэр оптоволоконнай линия киирбитин бэлиэтиир үөрүүлээх күн үүннэ!
Уус-Алдан улууһугар саамай кэтэх сытар нэһилиэккэ, волоконно-оптическай сибээс киирбитин бэлиэтиир, сыралаах үлэни түмүктүүр тэрээһиммитигэр кыттыыны ыллылар:Федотов А.В — «Уус-Алдан улууһа ( оройуона) МТ» баһылыга.Васильев Г.А — СӨ Ил Түмэн государственнай мунньаҕын депутата.Войтеховскай К.Л. — ПАО «Ростелеком» директора.Степанян Б. А. — цифровой интернет подрядчига.Андреев Г.П. — Саха Республикатын инновацияҕа, цифровой сайдыыга уонна информационнай технологияҕа министрин солбуйааччы…. (читать далее)