09.04.2019 Муус устар 9 күнүгэр Уус-Алдан улууһун нэһилиэктэрин баһылыктарын спортакиадатыгар 3 хамаанда кыттыыны ыллылар.

06.04.2019 Муус устар 6 күнүгэр «Кыыдааннаах тымныы кыһыны атаарыы » диэн тэрээһин үрдүк таһымнаахтык буолан ааста. Атыы- эргиэн ярмаркаҕа нэһилиэк баҕалаах дьоно кэлэн көхтөөхтүк кытыннылар. Оскуола оҕолоро хамаандаҕа арахсан көрдөөх-нардаах күрэхтэһиилэргэ оонньоотулар. Биирдиилээн күрэхтэргэ массыына соһуута, кэрэ аҥардарга частушка этиитэ буолбута. Уонна да атын бэрт үчүгэй оҕолорго аналлаах күрэхтэһиилэр буоллулар.

29.03.2019 Кулун тутар 29 күнүгэр Дьокуускай куорат Россия наукаларынАкадемиятын Сибиирдээҕи салаатын Дьокуускайдааҕы научнай киинин (ЯНЦ СО РАН) актовай саалатыгар биир дойдулаахтарбыт мустан «Дойдум дьоно» түмүстүбүт. Уонна «Түүлээх былыргыта» диэн РФ суруналыыстарын сойууһун чилиэнин , үөрэҕэрии уонна тыыл ветеранын, нэһилиэк бочуоттаах олохтооҕун Афанасий Кононович Алексеев саҥа кинигэтин биир төрүттээхтэригэр сырдатта. Инникитин да маннык түмсүүлээх буолуохха диэн… (читать далее)

22.03.2019 Кулун тутар күнүгэр Уус-Алдан улууһун Мындааба сынньалаҥ киинигэр биир дойдулаахтар мустан «Дойдум ахтыл5ана» түмүстүбүт. Үөрэн-көтөн, астына дуоһуйдубут. Нэһилиэк олохтоохторонатуральнай аһынан уонна бэйэ оҥоһуктарынан лотерея тэрийэн кэлбит дьону олус сэргэхситтэ. Уруккуну-хойуккуну санаан ВИА музыканан үҥкүлээн тэйдибит. Инникитин да маннык түмсүүлээх буолуохха диэн баҕара хааллыбыт.

Кулун тутар 10 күнүгэр Дьокуускай куораттан Суорун Омоллоон ааьынан Опера уонна балет театра 13 артыстаах кэлэн сонун, сэргэх кэнсиэр көрдөрдүлэр.Анатолий Старостин — Сиэн кынат кэлэн ыалдьыттаан барда. Нэһилиэк дьоно, олохтоохтор олуһун диэн сэргээтилэр. Биир дойдулаахтарбыт.

8.03.2019 Аан дойдутааҕы дьахталлар күннэригэр аналлаах «Барыта эһиэхэ ананар» нэһилиэкпит эр дьонун күүһүнэн кэрэ аҥардарга эҕэрдэ кэнсиэр көрдөрдүлэр. Биһиги нэһилиэкпит аҕа баһылыга Винокуров Станислав Викторович бэйэтэ көхтөөхтүк кыттан, нэһилиэк эр дьоно түмсэригэр сүрүн оруолу оонньоото. Көрөөччүлэр олус астынан, дуоһуйан тарҕастылар.

7.03.2019 Кулун тутар 7 күнүгэр тэрилтэлэр икки ардыларыгар көһө сылдьар кубок иһин волейболга күрэхтэстилэр. Уопсайа 5 хамаанда киирдэ. Нэһилиэкпит аҕа баһылыга тэрээһини салайда, Түүлээхтээҕи норуот айымньытын дьиэтин үлэһиттэрэ күүс көмө буоллулар. Нэһилиэк чөл олохтоох буоларын туһугар бүтүн нэһилиэк кытынна.

Нэһилиэк бары араҥатын хабан тэрилтэлэр кэрэ аҥардара түмсэн, Аҕа дойдутун күнүгэр аналлаах «Уол о5о эр киһи –эрэллээх эркиммит» бырааһыньыктааҕы кэнсиэр көрдөрдүбүт. Хас биир тэрилтэ эр дьонун эҕэрдэлээн ыллаатыбыт да үҥкүүлээтибит. Бэрт сэргэх, сонун нүөмэрдээх кэнсиэр туран, олохтоохтор астынан, дуоһуйа сынньанан бардылар. Кулууп иһинэн үлэлиир «Айаана» эдэр ийэлэр түмсүүлэрэ, «Алдаана» орто саастаах дьахталлар түмсүүлэрэ таҥас тиктэн… (читать далее)

25.02.2019 Аҕа дойдуну көмүскүүр күнүгэр аналлаах нэһилиэк тэрилтэлэрин эр дьонун икки ардыларыгар спортивнай күрэх былааннаахтык ааста. 3 хамаанда күөн көрүстүлэр. Хамаандаларга грамота, харчы туттарылынна, олохтоох дьаһалтаттан. Эр дьон сыал ытыытыгар, көрдөөх эстафетаҕа канат тардыһыытыгар курдук көрүннэргэ кииристилэр. Хамаандалар ыалдьааччылара, өйөөччүлэрэ, ыһытаан-хаһыытаан күрэхтэһии өрө күүрүлээхтик ааста.

17.02.2019  Театр сыла арыллыытыгар аналлаах «Айылгы» ветераннар түмсүүлэрин күүһүнэн саха суруйаачылара: Суорун Омоллоон, Платон Алексеевич Ойуунускай айымньыларыттан «Былыргы дьыл былытын быыһын сэгэтэн » спектакль туруорулунна. Нэһилиэкпит ветераннара олус астынан, дьаныһан, кыһаллан туран ис дууһаларыттан оруолларга оонньоон үгүс киһи биһирэбилин ылыан ыллылар. Громова Ульяна Алексеевна культура туйгуна билигин сынньаланҥа олорон спектаклы туруоран ветераннары түмтэ, уһугуннарда.