🌞🌿🦆🌊 МТ «Түүлээх нэһилиэгэ», Түүлээхтээҕи НАДь уонна «Айылгы» аҕам саастаахтар түмсүүлэрэ үһүс сылын «КУС МИИНЭ» акциянаны тэрийэн ыыталлар. Акция чэрчитинэн ытыктыыр аҕам саастаах дьоммутун илдьэ, айылҕаҕа тахсан Алдан Эбэ биэрэгэр «Байанай аартыга» сынньалаҥ сиригэр самаан сайыны уруйдуу, кутаа уокка буспут минньигэс кус миинин амсайдыбыт. Эбэбит этэҥҥэ ааһан «Баай, өлгөм үүнүүлээх сайын кэллин!», — диэн көрдөһөн, сибиэһэй салгыҥҥа сынньанан, сайыммыт кэлбитинэн истиҥник эҕэрдэлэһэн, араас оонньуулары оонньоон сэргэхсийэн, айылҕаттан күүс ылан үөрэн-көтөн бу күнү атаардыбыт. Бу акцияны тэрийэргэ кус үргээһинигэр субуотунньук ыытыллыбыта, үгэс быһыытынан байанайдаах булчуттарбыт бэрсибит кустарын үргээн, астаан, буһарарга бэлэмнээммитэ. Нэһилиэкпит Баай Байанайдаах булчуттарыгар туора турбакка кыттыыны ылбыккыт иһин, барҕа махтал буолуохтун. Өссө төгүл барыгытын самаан сайын кэлбитинэн истиҥник эҕэрдэлиибит! 
👏🏼🌿🌼🍀🌷🌱
