🚩Улуу Кыайыы 79 сылын көрсө, Түүлээх нэһилиэгэр Кыайыы Парадыгар олохтоохтор оҕолуун, улаханныын таҕыстыбыт. Парад кэннэ Кыайыы түһүлгэтигэр митинг ыытылынна, нэһилиэк баһылыга Станислав Викторович уонна тэрилтэлэр салайааччылара эҕэрдэ тылларын эттилэр, венок ууруута, Ийэ дойдуну көмүскээбит эһээлэрбит, хос эһээлэрбит хорсун быһыыларын кэриэстээн биир мүнүүтэ тохтобул ыытылынна. 🥣 Салҕыы хонуу куухуната тэриллэн «Саллаат хааһыта» түҥэтилиннэ, күргүөмүнэн ааҕыы буолла.
❇️🎂 «Спасибо, за Победу!» акцияҕа тыыл бэтэрээннэригэр, сэрии оҕолоругар минньигэс торт кэһиилээх «Айаана» түмсүү кыттыста.
❇️⚜️ Кыайыы күнүгэр аналлаах Кыайыыны уhансыбыт дьоннорун, эhээлэрин, хос эhээлэрин тyhyнaн, Д.Д. Оллонов аатынан орто оскуола үөрэнээччилэрин үрдүкү сүһүөх оҕолорун икки ардыларыгар «Эhиги хорсун быhыыгыт — кэнчээри ыччат сүрэҕэр!» биирдиилээн ааҕыы күрэҕэ ыытылынна. Ааҕыыга кыттыыны ылла 2 үөрэнээччи. Кыттааччылар 5 мүнүүтэ иһигэр сэриигэ кыттыбыт хос эһээлэрин, армияҕа сулууспалаабыт дьоннорун туһунан кэпсээн көмүскээтилэр. 🏆 Ааҕыы түмүгүнэн маҥнайгы миэстэни ылары ситистэ Айсаар Кузьмин, иккис миэстэ буолла Алексан Самсонов.
❇️🎶 «Кыайыы кынаттаах ырыалар» байыаннай ырыалары сөргүтэн, ыччакка патриотизмы иҥэрэн, Д.Д. Оллонов аатынан орто оскуола үөрэнээччилэрин икки ардыларыгар, нэһилиэк тэрилтэлэрэ кыттыылаах ырыаны толорууга күрэх ыытылынна. Күрэххэ сыанаҕа тутта-хапта сылдьыы, ырыа ис xohooнyн арыйыыны, ырыаны толоруу таhымын, сценическэй көстүүмү сыаналаатылар.
🏆 Патриотическай ырыаны толорууга тэрилтэлэргэ:
1 миэстэ – врачебнай амбулатория коллектива; 2 миэстэ – администрация коллектива; 3 миэстэ – Д.Д. Оллонов аатынан орто оскуола үлэһиттэрин коллектива.
🏆 Кыра кылаастарга кыайыылаах аатын ыллылар:
1 миэстэ — 3 кылаас коллектива, салайааччы Винокурова Елена Михайловна «СВЯЩЕННАЯ ВОЙНА» (А.Александров мел., Лебедев-Кумач тыл.); 2 миэстэ — 2 кылаас коллектива, салайааччы Горохова Никамира Николаевна, «ЭЙЭ ДЬОЛ ИҺИН» (Тимофеев С.И.тыл., Г.Никифоров мел.); 3 миэстэ — 1 кылаас коллектива, салайааччы Петухова Варвара Николаевна «КЫАЙЫЫ, КЫАЙЫЫ ДИЭН» (Евдокия Гаврильева тыла, Светлана Константинова мелодията).
🏆 Улахан кылаастартвн кыайыылахтар:
1 миэстэ — 7 кылаас коллектива, салайааччы Гермогенова Ньургуяна Кузьминична «КЫАЙЫЫ КҮНЭ»( Омук Уолун тыллара Степан Васильев матыыба); 2 миэстэ — 5 кылаас коллектива, салайааччы Винокурова Айталина Николаеана «СОЛДАТУШКИ, БРАВЫ РЕБЯТУШКИ» (русская народная строевая песня); 3 миэстэ — 6 кылаас коллектива, салайааччы Киренская Наталья Семеновна «ТРИ ТАНКИСТА» (Борис Ласкин муз., Даниил, Дмитрий Покрас тыл.)
❇️🏹 Гвардия майора, үс сэрии кыттыылааҕа, алта бойобуой орден кавалера Дмитрий Данилович Оллонов аатыгар тэрилтэлэр икки ардыларыгар буулдьанан ытыыга, ытыы спордун сайыннаран, пропагандалаан бэрт тыҥаһыннаах күрэхтэһии ыытылынна.
Хамаандалар састааптара балаһыанньанан 2 эр киһиттэн 2 дьахтартан турар.
Кыайыылаахтары ытыыга ылбыт очколарынан быһаарылыннылар, ол курдук 1 миэстэни Д.Д. Оллонов аатынан орто оскуола үлэһиттэрин коллектива; 2 миэстэни “Айылгы” 1 хамаанда, 3 миэстэни ыллылар администрация коллектива. Оскуолаттан Новгородов Михаил 25 очко ылан «Самый лучший стрелок» буолан баһылык туруорбут бирииһин тутта.
Бүгүҥҥү тэрээһиннэргэ бары кыттыылаахтарга махталбытын тиэрдэбит, күрэхтэр кыайыылаахтарыгар итии-истиҥ эҕэрдэ буолуохтун.
Барыгытын Улуу Кыайыы күнүнэн!🎆🎇🎆👏🏼👏🏼👏🏼
