Бу күн, “Дуораан” радио быһа биэриигэ ансаамбыл салайааччыта Станислав Иванов ыалдьыттаата. Түүлээх мелодистарын уонна ырыаһыттарын ааттарын сырдатта. “Аргыс” ансаамбыл айымньылаах үлэтин көрдөрөр быыстапка турда.  Биир дойдулаахтарбыт ансаамбылы өйөөн, кэнсиэри киэргэттилэр. Кыттыыны  ыллылар: Алексей Бережнев, Павел Охлопков, Олимпий Алексеев, Василий, Мария Петуховтар, Елена Винокурова, Никамира Горохова, Саргылана Константинова. Ытыс тыаһа доҕуһуоллаах, дьон биһирэбилин ыллылар.

Бу күн суоппардардарбыт хаамандаларга арахсан «Веселые старты» диэн күрэххэ көхтөөхтүк кыттыыны ыллылар. Сиһилии күрэхтэри аллараа хаартыскаларга көрүөххэ сөп.

Түүлээхтээҕи Норуот айымньытын дьиэтэ үлэтин сезонун арыйда. Д.Д.Оллонов аатынан орто оскуола үөрэнээччилэрэ «МИН ИЙЭМ» уруһуй күрэҕин быыстапкатыгар көхтөөх кыттыыны ыллылар. «Быырпах» КВН миниатюралара уонна да атын сонун нүөмэрдэр көрөөччүлэрбитин сэргэхситтилэр.

Бу күн, Барби кукла курудук  бука бары киэргэнэн кэллибит. Кыргыттарбыт хамаандаҕа арахсан күрэхтэстилэр, оонньоотулар, үнкүүлээтлэр уонна бириис тутан үөрдүлэр. Олус диэн сэргэх, үчүгэй тэрээһин ыытылынна.

Бу күн «Айаана» — дьахталлар түмсүү, айылҕабыт күһүҥҥү кэрэ көстүүтүгэр тахсан хаартыскаҕа түстүбүт, чаайдаатыбыт. Сайын устата ахтыһан, оонньоон, күлэн-үөрэн бириэмэбит биллибэккэ ааста.

Бу күн, бары сахалыы таҥастаах, атрибуттаах кэлэммит остуол тула олорон сэһэргэстибит, аһаатыбыт. Ону тэҥэ бары туран Савва Тарасов уонна Михаил Тимофеев суруйбут, Саха Өрөспүүбүлүкэтин өрөгөйүн ырыатын, дуоһуйа туойдубут. Киэһээ «Мин үрдүбэр, күн хаһан да киирбэт» диэн киинэ көрүүтэ буолла.