Олунньу 2 күнэ. Уус-Алдан киинигэр Мүрү нэһилиэгэр «Итоги 2023 года».
Улуус нэһилиэктэрин холбоһук кэнсиэригэр М.А.Винокурова, С.Н.Винокуов, Н.Н.Горохова, П.А.Константинов уонна быыстапкаҕа Т.М.Ушницкая, В.В.Иванова көхтөөх кыттыыны ыллылар. Ону таһынан «Айаана» түмсүү салайааччыта Мария Винокурова, Сахалыы Ыччаты дьиэ кэргэни өйүүр социальнай психологическай киин Уус-Алданнааҕы филиалын үлэһитигэр Саргылаана Петровна Никитинаҕа түмсүүлэр уонна оскуола кыргыттара СВО-ҕа анаан илиинэн оҥорбут харысхалларын туттарда.
Тохсунньу 28 күнэ. Уус-Алдан улууһун баһылыга В.И.Аммосов отчуоттуур мунньаҕар Түүлээх нэһилиэгин олохтоохторо көхтөөх кыттыыны ыллылар.
Ону тэҥэ бу күн Түүлээхтэн төрүттээх Жиркова Туйаара Ивановна «Бары бииргэ ситиһиигэ» о.э. «Академия успех вместе» диэн киэҥ далааһыннаах аан дойдуну хабар ситими сиһилии Түүлээх олохтоохторугар билиһиннэрдэ.
Тохсунньу 24 күнэ. Анал байыаннай дьайыы кыттыылаахтарыгар маскировачнай сетка баайааһынын «Айаана» уонна «Айылгы» түмсүү са5алаатылар.
Тохсунньу 20 күнэ. Баһылык кубогын иһин тэрилтэлэр уонна Бороҕоҥҥо олорор Түүлээх түмсүү икки ардыларыгар волейбол күрэ5э үрдүк таһымнаахтык буолан ааста.
Бу күн, күрэххэ уопсайа 6 хамаанда кытынна. 1-кы миэстэ ТСОШ-1(учууталлар хамаандалара), 2-с миэстэ ЖКХ+Детсад холбоһук хамаандата, 3-с миэстэ Бороҕон түмсүү. Номинациялар:
Сэтинньи 24 күнэ. «Аргыс» эр дьон народнай вокальнай ансаамбыла, Уус-Алдан киинигэр, Мүрү нэһилиэгэр «Культура-сайдыыбыт чыпчаала, норуоппут үйэлээх үгэһэ» диэн народнай коллективтар күннэрин чэрчитинэн ыытыллыбыт кэнсиэр, үрдүк таһымҥа буолан ааста.
Бу күн, “Дуораан” радио быһа биэриигэ ансаамбыл салайааччыта Станислав Иванов ыалдьыттаата. Түүлээх мелодистарын уонна ырыаһыттарын ааттарын сырдатта. “Аргыс” ансаамбыл айымньылаах үлэтин көрдөрөр быыстапка турда. Биир дойдулаахтарбыт ансаамбылы өйөөн, кэнсиэри киэргэттилэр. Кыттыыны ыллылар: Алексей Бережнев, Павел Охлопков, Олимпий Алексеев, Василий, Мария Петуховтар, Елена Винокурова, Никамира Горохова, Саргылана Константинова. Ытыс тыаһа доҕуһуоллаах, дьон биһирэбилин ыллылар.
Алтынньы 27 күнэ. Түүлээхпит нэһилиэгэр сыллата ыытыллар «Суоппар күнэ» бэрт тэрээһиннээхтик ааста.
Бу күн суоппардардарбыт хаамандаларга арахсан «Веселые старты» диэн күрэххэ көхтөөхтүк кыттыыны ыллылар. Сиһилии күрэхтэри аллараа хаартыскаларга көрүөххэ сөп.
Алтынньы 21 күнэ. Саха республикатын ийэлэригэр аналлаах «ИЙЭҔЭ МАХТАЛ!» эҕэрдэ кэнсиэр.
Түүлээхтээҕи Норуот айымньытын дьиэтэ үлэтин сезонун арыйда. Д.Д.Оллонов аатынан орто оскуола үөрэнээччилэрэ «МИН ИЙЭМ» уруһуй күрэҕин быыстапкатыгар көхтөөх кыттыыны ыллылар. «Быырпах» КВН миниатюралара уонна да атын сонун нүөмэрдэр көрөөччүлэрбитин сэргэхситтилэр.
Алтынньы 13 күнэ. Кырачаан кыргыттарбытыгар анаан «День девочек».
Бу күн, Барби кукла курудук бука бары киэргэнэн кэллибит. Кыргыттарбыт хамаандаҕа арахсан күрэхтэстилэр, оонньоотулар, үнкүүлээтлэр уонна бириис тутан үөрдүлэр. Олус диэн сэргэх, үчүгэй тэрээһин ыытылынна.