25.02.2019 Аҕа дойдуну көмүскүүр күнүгэр аналлаах нэһилиэк тэрилтэлэрин эр дьонун икки ардыларыгар спортивнай күрэх былааннаахтык ааста. 3 хамаанда күөн көрүстүлэр. Хамаандаларга грамота, харчы туттарылынна, олохтоох дьаһалтаттан. Эр дьон сыал ытыытыгар, көрдөөх эстафетаҕа канат тардыһыытыгар курдук көрүннэргэ кииристилэр. Хамаандалар ыалдьааччылара, өйөөччүлэрэ, ыһытаан-хаһыытаан күрэхтэһии өрө күүрүлээхтик ааста.
17.02.2019 Театр сыла арыллыытыгар аналлаах «Айылгы» ветераннар түмсүүлэрин күүһүнэн саха суруйаачылара: Суорун Омоллоон, Платон Алексеевич Ойуунускай айымньыларыттан «Былыргы дьыл былытын быыһын сэгэтэн » спектакль туруорулунна. Нэһилиэкпит ветераннара олус астынан, дьаныһан, кыһаллан туран ис дууһаларыттан оруолларга оонньоон үгүс киһи биһирэбилин ылыан ыллылар. Громова Ульяна Алексеевна культура туйгуна билигин сынньаланҥа олорон спектаклы туруоран ветераннары түмтэ, уһугуннарда.
14.02.2019 Олунньу 14 күнүгэр таптал долгунугар уйдаран эдэр дьиэ кэргэттэргэ аналлаах биэчэр тэрилиннэ, билигин дьон –сэргэ дьиэ5э олорон хаалбыт кэмигэр, нэһилиэкпит иһинэн культурнай-спортивнай өттунэн уһуктан улахан сэргэхсийии таҕыста. Ийэ а5а бэйэ-бэйэ5э көмөлөһүүтэ ыччат кэрэҕэ сырдыкка тардаһыыта, о5ону иитэн сайаннарыыга, чөл олоххо сөп тубэһэр оонньуулар ыытыннылар. Эдэр ыаллар сүргүлэрэ көтө5уллэн, дьиэ кэргэннэрин туһугар кыһаллан, күүстэрин түмэн,… (читать далее)
08.01.2019 «Айылгы» аҕам саастаахтар түмсүүлэрэ саргылаах саҥа дьылы итии чэйдээх, ырыа-тойук доҕуһуоллаах, үҥкүү-битии аргыстаах көрүстүлэр. Биирдиилээн остуол оонньууларыгар кыттан сэмэй бэлэхтэринэн наҕараадаланнылар. Түмсүү салайааччыта Бережнев Валентин Михайлович активнай кыттааччыларыгар, спортсменнарыгар нэһилиэк, улуус эҕэрдэ суруктарын үөрүүлээх быһыыга-майгыга туттартаата.
07.01.2019 Кириһиэнньэ күн нэһилиэкпит ыччаттара, студеннара түмсэн «Эрчимнээх эдэр саас» күрэххэ кыттан, нэһилиэнньэни олус диэн сэргэхситтилэр. Күрэххэ 2 хамаанда интеллектуальнай, үҥкүү, караоке, квест-оонньуу түһүмэхтэргэ күөн көрүстүлэр.
05.01.2019 Саха эстрадатын ча5ылхай сулуһа Виталий Очиров быраатынаан Кеша Васильевтыын «Ини-бии уолаттар» “саҥа дьыллааҕы түһүлгэ» концертнай программанан кэлэн олохтоохтор үөрэн-көтөн тэҥҥэ үҥкүүлэһэн биир тыынынан астына көрдүлэр.
04.01.2019 Оҥой-соҥой көрбүт, детсад саастаах уонна алын кылаас оҕолоругар аналлаах утренникка Оҕолор Тымныы Моруоһу сиэн кыыһынаан Хаарчааналыын долгуйа көрүстүлэр. Ырыа ыллаан, хоһоон ааҕан Тымныы Моруос оҕонньортон бэлэх туттулар. Араас маскарад кэтэн харыйа тула хороводтаатылар. Оҕолорго аналлаах атракционнарга, оонньууларга үөрэ-көтө кытыннылар, оонньоотулар.
02.01.2019 Биир дойдулаахпыт, ырыа айааччы, аранжировщик Алексей Бережнев 20 сыллаах отчуотнай айар киэһээтигэр зал иһэ тобус толору көрүстүбүт. Көрөөччүлэр дохсун ытыстарын тыаһынан махталларын тиэртилэр. Инникитин өссө даа үүнэ-сайда турарыгар баҕара хааллыбыт.
01.01.2019 Нэһилиэгинэн үөрэн-көтөн «Саҥа дьылга бары бииргэ» диэн кэнсиэри ыыттыбыт. Студьуон кыргыттар уолаттар биьиэхэ кэлэн кулэн-уорэн кехтеехтук ыллаан-туойан кэнсиэрдээн бардылар.
31.12.2018 Саргылаах саҥа дьылбытын, үүммүт 2019 сылбытын нэһилиэкпит тэрилтэлэрин икки ардыларыгар бэт-бэһиэлэй представлениялары көрөн, кыттан астынныбыт, үөрдүбүт-көттүбүт.
